أشكال جديدة و روعة سهلة و اقتصادية باللوز

السلام عليكم ... اليوما جبت ليكم شكيلات جداد و مزيونين من حلويات اللوز كتجي غزالة فالطبلة كتحمر ليك وجهك مع الضياف و كتطلع احسن و رخيصة من الحلوى ديال الدقيق العادية ....

أشكال جديدة و روعة سهلة و اقتصادية باللوز

مقادير للعجينة :
3 زلايف دقيق
نصف زلافة مارغرين التوريق دايبة
ماء + ماء زهر
-تغطى العجين ببلاستيك غدائي ونخليوها ترتاح 3 ساعات على الأقل,
-لا نضيف اللون حتى نريد استعمال العجين, أما الكاكاو (المسوس الأسود) ماشي مشكل يضاف في الأول ولكن إلى بانت ليك العجين نشفات نزيدو ماء الزهر لأن الكاكو بحال الدقيق

الحشوة:

1 كغ من اللوز المطحون ناعما
500 غ مسحوق السكر
1 ملعقة صغيرة من الفانيليا
2 بيض
1 ملعقة صغيرة من ماء الزهر ومن الأحسن يكون بعطر البرتقال
يدلك حتى الحصول على عقدة معلكة,
للتزيين
ملونات بنكهات مختلفة حسب الرغبة
طوابع الحلوى مختلفة حسب الرغبة
ملاحظات:
-نقسم العقدة ديال اللوز حسب الأشكال لي قررتي تخدميهم, نلونوهم, نضيف لكل لون نكهة شوية, حيت غادين نخدمو الحلوى كلها بنفس العجين إدن باش تختلف المداقات نضيفو أنواع النكهات:الليمون أو البستاج أو البنان...
ملي تطيب اسقيها مزيان بالناباج وديرها في بواطة مسدودة مزيان وديرها في الثلاجة حتى الغد عاد حطوها, غادا ترطاب وتولي باردة وزوينة
الصور توضح طرق تشكيل حلويات اللوز